Энэ цэцэг нь навчаараа муу агаарыг сорон авч өөрт хэрэгтэй шим тэжээл болгон боловсруулж, үндэс рүүгээ шахснаар агаарыг цэвэршүүлж, агаарт байгаа бичил нянгуудыг 60% хүртэл устгадаг байна.Үүнээс гадна хөгц мөөгөнцөрийг арилгадаг учир угаалгын өрөөндөө та байрлуулж үзээрэй. Нөмөргөнө цэцгийг 2 долоо хоног тутамд нэг удаа бордвол амьдрах насжилтыг нь уртасгадаг. Мөн услахдаа навч руу нь шүрших маягаар арчиж цэвэрлэвэл илүү өндөр саглагар ургадаг. Ингэхдээ та нарны хурц тусгалаас хол байрлуулхаа мартваа. Цэцэглэлтийн үе нь 4 дүгээр сараас 10 сарын хооронд бөгөөд сайн арчилж чадвал олон жил ургадаг ургамал юм.

Салбатан овгийн ургамлыг цэцэг сонирхогчид гоё сайхан цэцэг, үзэмжтэй навчийг шохоорхон ургуулдаг. Олонх салбатан юүлүүр хэлбэрийн тэвгэн богинохон арьсархаг навчтай.

Уг ургамлын голоос өндөр цэцэглэх ишнээс баг цэцэг гардаг. Цэцэглэхээс өмнө тэвгэн навч нь хэдэн жил хөгжөөд, цэцэглэлт хэдэн сарын турш үргэлжилдэг. Үргэлж дээшээ тэмүүлж байхыг бэлэгддэг. Салбатан овгийг услахад сонирхолтой аргыг хэрэглэдэг.

Энэ арга нь усаа тэвгэн навчны дундуур хийж өгөхөөс хөрс руу нь усаа хийдэггүй. Зарим салбатан усалгаа ерөөсөө шаарддаггүй. Салбатан овгийн эх орон нь Америкийн ширэнгэ ой. Тэд мод юм уу ойн хөвдөн дээр ургадаг. Уламжлалт аргаар салбатан овгийг хүлэр хөвдөн хөрстэй, жижгэвтэр савны ёроолыг нүхлэж хайрган үе хийж тарьдаг.

Уг овгийн үндэсний тогтолцоо сул хөгжилтэй учраас бордолт, хэт чийгшилтын үед хагдарч болохыг сайн анхаарах хэрэгтэй.

Цахирмаа цэцэг нь зарим цэцгийг бодвол гэрэл, дулаан орчинд илүү дуртай байдаг. Гэхдээ цахирмаа мэдрэмтгий учир усалсны дараа наранд тавьбал навчинд түлэнхий үүсэж, үхэх аюултай байдаг. Иймээс нарны шууд тусгалд тавих нь буруу. Мөн хөрс бордоог ихдүүлэхэд хатаж, унждаг учраас зориулалтын өөрт таарсан бордоог авч хэрэглэвэл илүү удаан наслана.

Эмчилгээнд - Түлэнхийд, арьсны хорсолт, улаалт зэрэгт навчийг бага зэрэг зөөлрүүлж байгаад тавьдаг. Хоолой өвдөх_ нүд ядрах, ходоод хорсох гээд маш олон зүйлд хэрэглэгддэг. Удаан цэцэглэдэг, халуун сэрүүн агаарт тэсвэртэй тул чимэглэлийн цэцгэнд их хэрэглэгддэг. Цэцэг ургуулж эхэлж байгаа туршлага багатай хүмүүст зузаахайгаас эхэл гэж зөвлөж байна. Маш зөөлөн, дулаан энергитэй цэцэг, хүүхдэд ээлтэй тул хүүхдийн өрөөнд байлгаж болно. Ялангуяа улбар шар өнгийн зузаалай нь илүү тохирдог. Үхэр болон Мэлхийн ордныхны цэцэг юм.

Годонхой нь үнэхээр сайхан цэцэг. Хавраас намар хүртэл цэцэглэдэг ба аль болох жижиг вааранд дуртай. Хэт том саванд бол цэцэглэх дургүй. Нэвт салхинд тун дургүй. Бүлээн, зөөлөн усаар услана. Годонхой нь гэрэл дуртай бөгөөд 20С-с доош температурт тийм ч дуртай биш. Агаарын чийгшилд их дуртай учраас өдөр бүр шүршинэ. Гэрэл муутай газар годонхойг тавихад цэцэглэхгүй. Хавар зуны цагт годонхойг борддог. Долоо хоног тутамд бордоно.

Жил бүрийн хавар годонхойг шилжүүлэн суулгадаг боловч том ургасан годонхойг бол 3-4 жилд нэг удаа шилжүүлэн суулгадаг.

Энэ цэцэг нь эрчүүдэд хүч чадал өгдөг бөгөөд эр хүний ноён нурууг бэлгэддэг учраас эрчүүдийн цэцэг, эрчүүдийн аз жаргалын цэцэг хэмээн нэрлэдэг байна.